काठमाडौं, २८ जेठ । धितोपत्र बजारमा यस साता ८३ अर्ब बढीको कारोबार भएको छ ।
यो साता दुई सय २१ वटा कम्पनीहरुको सात लाख ५३ हजार छ सय ३९ पटकको कारोवारमा १७ करोड पाँच लाख ९० हजार छ सय ४३ कित्ता शेयर-खरिद बिक्री भएको छ ।
कुल कारोवार रकम ८३ अर्ब ९३ करोड १२ लाख ५० हजार सात सय ६७ रुपैयाँ पुगेको छ । यो कारोवार रकम गत साताको भन्दा बढी हो ।
गत साता ६७ अर्ब ७९ करोड ४५ लाख ४१ हजार दुई सय ९५ रुपैयाँको कारोबार भएको थियो ।
गत साता भने नेप्सेमा दुई सय १९ वटा कम्पनीहरुको छ लाख ९० हजार सात सय ३० पटकको कारोवारमा १५ करोड छ लाख १२ हजार सात सय ३८ कित्ता शेयर खरिद बिक्री भएको थियो ।
नेप्सेका अनुसार यो साता बढी रकम कारोवार गर्ने कमपनीको सूचीमा नेपाल पुनर्बीमा कम्पनी, नेशनल हाईड्रोपावर कम्पनी, नेपाल इन्फ्रास्ट्रक्चर बैंक आदि परेका छन ।
कारोवार भएको शेयर संख्याको आधारमा नेशनल हाईड्रो पावर कम्पनी, नेपाल पुर्नबीमा कम्पनी आदि अगाडि रहेका छन् ।
बजार पुँजीकरणका आधारमा भने यो साता नेपाल टेलिकम, नबिल बैंक, नेपाल पुनर्बीमा कम्पनी, नेपाल लाईफ इन्स्योरेन्स कम्पनी आदि अगाडि परेका छन् ।
शेयर सूचीकरणतर्फ भने यो साता लाईफ इन्स्योरेन्स कम्पनी, सीइडीबी हाईड्रो पावर कम्पनी, ग्लोवल आईएमई लघुबित्त बित्तीय संस्था आदिको बोनस तथा साधारण शेयर सूचीकृत भएका छन् ।
यो साता नेप्से २९४४.७८ अंकमा पुगेको छ । यसैगरी सेन्सिटिभ इन्डेक्स पनि पाँच सय २७ दसमलव ८७ अंकमा पुगेको छ ।
