काठमाडौं, २८ जेठ । सरकारले पशुपक्षीबाट मानिसमा सर्ने १० वटा रोगलाई प्राथमिकीकरण गरेको छ।
इपिडिमियोलोजी तथा रोग नियन्त्रण महाशाखाले शुक्रबार एक विज्ञप्ति सार्वजनिक गर्दै नेपालमा पशुपक्षीबाट मानवमा सर्ने प्रमुख १० रोगको प्राथमिकीकरण गरेको हो।
स्वास्थ्य विभागको निर्यपछि भएको प्रथम जुनोटिक रोगहरुको प्राथमिकीकरण राष्ट्रिय कार्यशाला गोष्ठीले १० वटा रोगलाई प्रथमिकिकरण गरेको जनाएको छ ।
जसमा प्राथमिकीकरण गरिएका रोगहरुमा इन्फ्लुएन्जा जुनोटिक इन्फ्लुएन्जा, सिजनल इन्फ्लुएन्जा, रेबिज, कोरोना भाइरस (सार्स, मर्स, सार्स कोभ २), लेप्टोस्पाइरोसिस, ब्रुसेलोसिस छन्।
यस्तै, सालमोनेलोसिस, लेस्मिनियासिस, जुनोटिक क्षय रोग, सिस्टिसर्कोसिस/हार्डडाइटिडोसिस र टोक्जोप्लास्मोसिस रहेका छन्। यसअघि नेपालका ६ वटा जुनोटिक रोग प्राथमिकीकरणमा परेका थिए।
