काठमाडौं, १४ असार । पछिल्लो २४ घण्टामा देशभर २४४४ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ६६४८ पीसीआर परीक्षणमा १५०९ र ४९९२ जनाको एन्टिजेन परीक्षणमा ९३५ जना गरी २४४४ जनामा संक्रमण पुष्टी भएको हो ।
यो सहित नेपालमा कोरोना संक्रमितको संख्या ६ लाख ३५ हजार १८८ पुगेको छ । पछिल्लो २४ घण्टामा ३८५३ जना संक्रमण मुक्त भएका छन् ।
यो सहित संक्रमण मुक्त हुनेको संख्या ५ लाख ८८ हजार १८७ जना पुगेको छ । संक्रिय संक्रमितको संख्या ३७ हजार ९५० रहेको छ ।
