काठमाडौं, १० असार । नेपाली बजारमा सुनको भाउले नयाँ रेकर्ड राखेको छ ।
मंगलबार सुनको भाउमा प्रतितोला पाँच सय रुपैयाँले वृद्धि भई अहिलेसम्मकै उच्च भएको हो ।
नेपाल सुनचाँदी व्यावसायी महासंघले तोकेको मुल्य अनुसार मंगलबार छापावाल सुनको भाउ प्रतिताेला ६५ हजार पाँच सय रुपैयाँ पुगेकाे छ ।
शुक्रबार प्रतिताेला ६५ हजार रुपैंयाँ पुगेर इतिहासकै उच्च मुल्य कायम भएको सुनको भाउ सोमबार सम्म ६५ हजार रुपैयाँमै कारोबार भयो ।
तर, मंगलबार फेरी तोलामा पाँच सयले बढेर अहिलेसम्मकै उच्च भएको छ ।
त्यस्तै मंगलबार तेजाबी सुन भने प्रतितोला ६५ हजार दुई सय रुपैयाँ र चाँदी प्रतितोला ७ सय ४० रुपैयाँमा कारोबार भएको पनि नेपाल सुनचाँदी व्यावसायी महासंघले बताएको छ ।
