काठमाडौं, ४ माघ । गैर आवासीय नेपाली संघ (एनआरएनए) को चुनावी कार्यतालिका सार्वजनिक भएको छ ।
संघले बुधबार सार्वजनिक गरेको चुनावी कार्यक्रम अनुसार आगामी चैत ७ र ८ मा हुने चुनाव हुने भएको छ ।
कार्यतालिकाअनुसार फेब्रुअरी १७ मा महाधिवेशन प्रतिनिधि नामावली प्रकाशन, फेब्रुअरी २३ मा मतदाता नामावली प्रकाशन, फेब्रुअरी २४ मा मतदाता नामावलीमा दाबी विरोध र मार्च ३ मा अन्तिम मतदाता नामावली प्रकाशन गरिनेछ ।
यस्तै मार्च ४ र ५ मा उम्मेद्वारको मनोनय दर्ता, मार्च ६ मा उम्मेदवारको नामावली प्रकाशन, मार्च ६ र ७ सम्म उम्मेदवारमाथि दाबी विरोध, ८ मार्चमा दाबी विरोधमाथि निर्णय, ९ मा उम्मेदवारको दोस्रो नामावली प्रकाशन र ११ मार्चमा उम्मेदवारी फिर्ताको कार्यतालिका छ ।
यस्तै १२ मार्चमा मा उम्मेदवारको अन्तिम नामावली प्रकाशन गर्ने, मार्च २१ देखि २२ मा मतदान गर्ने र त्यसपछि मतगणना र नतिजा सार्वजनिक गर्ने निर्वाचन कार्यतालिका छ ।
फेव्रुअरी १४ मा अध्यक्ष पन्तले ३६३४ जना मतदाता नामावलीको सूची निर्वाचन समिति संयोजक बञ्जारालाई बुझाएका थिए ।
एनआरएनएको इतिहासमै पहिलोपटक विद्युतीय मतदान प्रणालीबाट यसपटकको चुनाव हुँदैछ । निर्वाचन समितिले इ–भोटिङको पूर्वतयारी सम्पन्न भैसकेको जनाएको छ ।
