काठमाडौं, १५ फागुन । नेपालमा पछिल्लो २४ घण्टामा १११ जनामा कोरोना भाइरस संक्रमण पुष्टी भएको छ ।
स्वास्थ्य तथा जनसंख्या मन्त्रालयका अनुसार ६ हजार ४८६ जनाको पीसीआर परीक्षण गर्दा ९४ जना र ३ हजार २२४ जनाको एन्टिजेन परीक्षण गर्दा १७ गरी १११ जनामा कोरोना भाइरसको संक्रमण देखिएको हो ।
योसँगै नेपालमा कोरोना संक्रमितको संख्या ९ लाख ७६ हजार ८६५ जना पुगेको छ ।
पछिल्लो २४ घण्टामा ४१५ जना संक्रमण मुक्त भएका छन् । यो सहित संक्रमण मुक्त हुनेको संख्या ९ लाख ५६ हजार ४१३ पुगेको छ । संक्रिय संक्रमितको संख्या ८ हजार ५१७ रहेको छ ।
पछिल्लो २४ घण्टामा मृत्यु हुनेको संख्या १ रहेको छ । नेपालमा कोरोना मृत्यु हुनेको संख्या ११ हजार ९३५ पुगेको छ ।
