काठमाडौं, २० चैत । माधवकुमार नेपालसहित १४ जना सांसदलाई पदमुक्त गर्नुपर्ने मागसहित नेकपा एमालेले दायर गरेको रिटमा आइतवार सुनुवाइ नहुने भएको छ ।
मुद्दाको पूर्ण सुनुवाइ सार्न नेपाल पक्षबाट दिइएको निवेदन सर्वोच्चका न्यायाधीशद्वय अनिलकुमार सिन्हा र नहकुल सुवेदीको इजलासले अस्वीकार गरेपनि आफूले हेर्न नमिल्ने बताएका छन् ।
१४ सांसदमध्ये सोमप्रसाद पाण्डेको मुद्दा यसअघि न्यायाधीश नहकुल सुवेदीले सुनुवाइ गरेका कारण आफूले हेर्न नमिल्ने जानकारी गराएका हुन्।
उक्त मुद्दा न्यायाधीश सिन्हा र सुवेदीको इजलासमा चौंथो नम्बरमा थियो ।
एमाले विभाजन गरी नेकपा एकीकृत समाजवादी गठन गरेका नेपालसहित १४ जना सांसद्को पद खारेजी तथा दल दर्ता अवैधानिक भएको दाबीसहित एमाले अध्यक्ष केपी शर्मा ओलीले सर्वोच्चमा २०७८ भदौ १७ गते रिट दायर गरेका थिए।
२०७८ भदौ १७ गते रिट दायर भए पनि मुद्दाको किनारा लाग्न सकेको छैन।
