काठमाडौं, ५ भदौं । नेपाली कांग्रेसका नेता एवं प्रतिनिधिसभाका सांसद प्रदीप गिरिको आज आइतबार अन्त्येष्टी गरिने भएको छ । गिरिको आजै अन्त्येष्टी गरिने नेपाली कांग्रेसले जनाएको छ ।
कांग्रेस केन्द्रीय कार्यालयले गिरिको निधनप्रति शोक वक्तव्य जारी गर्दै गिरिको पशुपति आर्यघाटमा अन्त्येष्टी गरिने जानकारी दिएको छ ।
अन्त्येष्टि अघि अन्तिम श्रद्धाञ्जलीका लागि स्वर्गिय गिरिको पार्थिव शरीर आज विहान ९ बजे देखि ११ बजेसम्म मेडिसिटी अस्पताल, ललितपुरको शिवालयमा राखिने छ ।
त्यसपछि साढे ११ बजे देखि २ बजेसम्म कांग्रेस केन्द्रीय कार्यालय बिपी स्मृति भवन सानेपामा राखिने छ ।
गिरिको शनिबार राती ९:३० बजे अस्पतालमा निधन भएको हो ।
