काठमाडौं । नेपाली कथानक चलचित्र ‘छक्का पञ्जा–४’ फागुन १९ गते रिलिज हुने भएको छ ।
निर्माता तथा अभिनेता दीपकराज गिरीले सामाजिक सञ्जालमार्फत चलचित्रको प्रदर्शन मिति घोषणा गरेका हुन्।
हेमराज बिसीले निर्देशन गरेको चलचित्रमा दीपकराज गिरीसँगै बेनिशा हमाल, मलिना जोशी, केदार घिमिरेलगायत कलाकार मुख्य भूमिकामा छन् ।
केदारप्रसाद घिमिरे र निर्मल शर्मा कार्यकारी निर्माता रहेको चलचित्रलाई नरेन्द्र मैनालीले छायांकन गरेका छन्।
यसअघि फागुन १९ मा मिलन चाम्सको ‘वर एण्ड वधु’, सुरज पाण्डेको ‘परस्त्री’ र सुरक्षा पन्त अभिनित चलचित्र ‘बुलाकी’ले पनि प्रदर्शन मिति घोषणा गरिसकेका छन्।
