काठमाडौं । रुपन्देही–१ मा एमालेलाई झड्का लागेको छ ।
केपी ओलीले निरंकुशता लादेजस्तै छविलाल विश्वकर्माले निरंकुशता लादेका कारण ३७ नेताले पार्टी परित्याग गरेको घोषणा गरेका छन् ।
बुधबार विज्ञप्ति निकालेर उनीहरुले घनश्याम भूसाललाई सर्मथन गर्दै एमालेबाट राजीनामा दिएको जानकारी गराएका हुन् ।
पार्टी परित्याग गर्नेमा जिल्ला कमिटी सदस्य मुलायम सिंह यादव, रोहिणी गाउपालिका सचिव इन्द्रजित कुमार राय, गाउँपालिका कमिटी सदस्य जाहिद हुसेन खान लगायत रहेका छन्।
रुपन्देही–१ मा घनश्याम भुसालले सत्ता गठबन्धनको सहयोगमा स्वतन्त्र उम्मेदवारी दिएपछि एमाले त्यागेर उनको पक्षमा खुल्नेहरूको संख्या बढिरहेको छ।
