काठमाडौं । भारतीय पूर्व कप्तान विराट कोहलीले टी-२० विश्वकपमा सर्वाधिक रन बनाउने खेलाडी बनेका छन् ।
महेला जयवर्धनेले बनाएको रेकर्ड तोड्दै कोहलीले टी-२० विश्वकपमा सर्वाधिक रन बनाउने खेलाडी बनेका हुन् ।
टी–२० विश्वकपमा सर्वाधिक रन बनाउने क्रममा बुधबार नोभेम्बर २ मा बंगलादेशविरूद्ध थप १६ रन बनाउँदै टी–२० विश्वकपमा सर्वाधिक रन बनाउने खेलाडी बने ।
टी–२० विश्वकपमा कोहलीको नाममा यसअघि १ हजार १ रन थियो। टी–२० विश्वकपको इतिहासमा महेला जयवर्धनेले हालसम्म सर्वाधिक १०१६ रन बनाएर शीर्ष स्थानमा थिए। कोहलीले जयवर्धनेको रेकर्ड तोडेका हुन्।
टी-२० विश्वकप इतिहासमा सर्वाधिक रन बनाउने खेलाडीहरू
१. विराट कोहली (भारत) – १०१७* रन
२. महेला जयवर्धने (श्रीलंका) – १०१६ रन
३. क्रिस गेल (वेस्ट इन्डिज) – ९६५ रन
४. रोहित शर्मा (भारत) – ९०४
५. तिलकरत्ने दिलशान (श्रीलंका)- ८९७
