काठमाडौं । काठमाडौंमा जारी नेपाल टी-२० क्रिकेट लिगअन्तर्गत बुधबार भएको खेलमा लुम्बिनी अल स्टारले काठमाडौं नाईट्सलाई १०२ रनले पराजित गरेको छ।
त्रिवि क्रिकेट मैदानमा भएको खेलमा लुम्बिनीले दिएको १८४ रनको लक्ष्य पछ्याएको काठमाडौं १५ ओभर ४ बलमा ८१ रन जोडेर अलआउट भयो ।
काठमाडौँको यो ८ खेलमा चौथो पराजय हो । काठमाडौँका लागि बसिर अहमदले २३ रन जोडे । लुम्बिनीका लागि इशान पाण्डे, कुशल भुर्तेल र ह्यारी टेक्टरले २-२ विकेट हात पारे ।
