सातै प्रदेशका प्रहरी प्रमुख फेरिए, बागमतीमा दीपक थापा

काठमाडौं । प्रहरी प्रधान कार्यालयले नेपाल प्रहरीका १७ जना डीआईहरूको काज सरुवा गरेको छ । प्रहरी प्रधान कार्यालयले आज उनीहरूको सरुवा गरेको हो ।

प्रहरी प्रधान कार्यालय, नक्सालमा कार्यरत डीआईजी बसन्तबहादुर कुँवरले मधेश प्रदेश प्रहरी कार्यालयको जिम्मेवारी पाएका छन् ।

अशोक सिंहले सुदूरपश्चिम प्रदेश प्रहरी कार्यालय, धनगढीको जिम्मा पाएका छन् । गण्डकी प्रदेशको नेतृत्व बुद्धिराज गुरुङले पाएका छन् ।

प्रहरी प्रवक्ता टेकप्रसाद राई लुम्बिनी प्रदेशको प्रहरी प्रमुखमा सरुवा भएका छन् । त्यस्तै प्रशासन विभाग तथा आर्थिक प्रशासन महाशाखाका दीपक थापा वागमती प्रदेश प्रहरी कार्यालय हेटौंडा सरुवा भएका छन् ।

मधेशका प्रहरी प्रमुख मसाउद आलम खाँ उपत्यका प्रहरी कार्यालय, रानीपोखरी आएका छन् । कर्णाली प्रदेशका पोषराज पोख्रेल प्रहरी महानिरीक्षकको सचिवालयमा आएका छन् भने भीमप्रसाद ढकाल कर्णाली प्रदेश पठाइएका छन् ।

त्रिभुवन विमानस्थल सुरक्षा कार्यालयका श्यामलाल ज्ञवालीलाई १ नम्बर प्रदेश प्रहरी कार्यालय मोरङ पठाइएको छ। मोरङमा कार्यरत डीआईजी सुदीप गिरीलाई नेपाल प्रहरी प्रधान कार्यालय विशेष ब्यूरो नक्साल तानिएको छ।

LEAVE A REPLY

Please enter your comment!
Please enter your name here