एजेन्सी । प्रविधि क्षेत्रलाई विश्वमा सबैभन्दा सुरक्षित जागिरका रुपमा विश्लेषण गरिँदै आएको छ । जागिरको सुरक्षाको हिसाबले उत्कृष्ट मानिए पनि पछिल्लो समयको गतिविधिले प्रविधि क्षेत्रका कर्मचारीहरु ढुक्क हुने अवस्था भने छैन ।
पछिल्ला केही महिनामा गुगल, अमेजन, माइक्रोसफ्ट, ट्विटर, फेसबुक, अनलाइन भुक्तानी कम्पनी पेपलजस्ता ठूला टेक कम्पनीहरूले आफ्ना हजारौं कर्मचारीलाई बर्खास्त गरिदिएका छन्।
अनलाइन भुक्तानी कम्पनी पेपलले आफ्ना २ हजार कर्मचारीलाई घर पठाउने भएको छ । पेपलले कम्पनीमा काम गर्ने ७ प्रतिशत कर्मचारीलाई बिदा गर्न लागेको हो । पेपलले चुनौतीपूर्ण म्याक्रो इकोनोमिक वातावरणको सामना गर्दै यो निर्णय गर्न बाध्य भएको बताएको छ।
केही समय यता टेक्नोलोजीका दिग्गजहरूले हजारौं छाँटकाँट गर्दै आएका छन् । त्यही त्यही टेन्डलाई पछ्याएको देखिन्छ । यस वर्ष, गुगलको मूल कम्पनी अल्फाबेट, अमेजन र माइक्रोसफ्टले ठूलो रोजगार कटौतीको घोषणा गरेका छन्।
हामीले हाम्रो संसार, हाम्रा ग्राहकहरू र हाम्रो प्रतिस्पर्धी परिदृश्य विकसित हुँदै जाँदा परिवर्तन गरिरहनुपर्छ, पेपलका प्रमुख कार्यकारी डान शुल्म्यानले एक विज्ञप्तिमा भने।
मंगलबार स्न्याप सामाजिक मिडिया प्लेटफर्म स्न्यापच्याटको मूल कम्पनीले पनि मार्चको अन्त्यसम्म तीन महिनाको राजस्व १० प्रतिशत सम्म घट्न सक्ने चेतावनी दिएको छ।
किन निकालिरहेका छन् विश्वका ठूला टेक कम्पनीहरुले ठूलो संख्यामा कर्मचारी ?
स्पोटीफाइले पनि गर्दैछ कर्मचारी कटौती
थप कर्मचारी कटौती गर्ने तयारीमा ट्वीटर
हजारौं संख्यामा कर्मचारी कटौती गर्दै माइक्रोसफ्ट
