काठमाडौं । बुधबार दिउँसो १ः४५ बजे बाजुराको बिछ्या आसपास केन्द्र बनाएर ५.२ म्याग्निच्युडको भूकम्प गएको राष्ट्रिय भूकम्प मापन केन्द्रले जनाएको छ ।
छिमेकी जिल्ला अछाम,बझाङ र डोटीमा समेत भूकम्पको धक्का महसुस गरिएको थियो । क्षतिको विवरण आउन बाँकी छ।
यसअघि बाजुरा केन्द्रविन्दु भएर माघ १० गते ५ दशमलव ९ म्याग्निच्युड र माघ १२ गते ४ दशमलव १ म्याग्निच्युडको भूकम्प गएको थियो । एक जनाको ज्यानसमेत गएको थियो ।
