काठमाडौं । पल्सर स्पोर्ट्स अवार्ड २०७८ को स्पेसल अवार्डले ब्याडमिन्टका नङशलदेवी तामाङ, सरादेवी तामाङ र रत्नजित तामाङका बाबु आमालाई सम्मानित भएका छन् ।
तीनै सन्तानलाई राष्ट्रिय खेलाडी बनाउने दानबहादुर र मायादेवीलाई स्पेसल अवार्ड प्रदान गरिएको हो । उनीहरुलाई नेपाल ओलम्पिक कमिटीका अध्यक्ष जीवनराम श्रेष्ठ र राष्ट्रिय खेलकुद परिषद् राखेपका पूर्व सदस्य सचिव युवराज लामाले अवार्ड वितरण गरेका थिए ।
भोजपुरका दानबहादुर तामाङ र मायादेवी मोक्तानलाई छोरा छोरीलाई खेलाडी बनाएको र छोरा छोरीले पनि उत्कृष्ट प्रदर्शन गरेकै कारण उनीहरुलाई सम्मान गरिएको हो ।
सम्मान ग्रहणपछि दानबहादुर तामाङले खेलाडीलाई माथि उठाउनका लागि सबैभन्दा माथि बाबु आमाको हात हुने उल्लेख गरे ।
