काठमाडौं । नवनिर्वाचित राष्ट्रपति रामचन्द्र पौडेल आज पनि विभिन्न कार्यक्रममा सहभागी हुँदैछन् । दिउँसो साढे १ बजे पुष्पलाल पार्क (चम्पादेवी) र त्यसपछि दिउँसो साढे २ बजे भट्टराई आश्रम बाडेगाउँ पुग्ने कार्यक्रम छ ।
शुक्रबार राष्ट्रपति पौडेल गुह्वेश्वरी र पशुपतिनाथ मन्दिरको दर्शन गर्नाका साथै सुन्दरीजलस्थित बीपी संग्रहालय पुगेका थिए ।
उनको आगमनको क्रममा ट्राफिक जाम भएको भन्दै आलोचनासमेत भएको थियो । उनको भ्रमणमा श्रीमती, छोरा र निकटका व्यक्तिहरूसमेत सँगै हुने गरेका छन्।
संघीय संसद् भवनबाहिर राष्ट्रपति निर्वाचन हुँदै गर्दा उम्मेदवार रहेका पौडेलले राष्ट्रपनि निर्वाचित भएमा कुनै तामझाम र जनतालाई सास्ती नदिने बताएका थिए ।’
गणतन्त्रको राष्ट्रपति कस्तो हुन्छ म देखाउँछु’ उनले दुई दिनअघि मात्रै भनेका थिए।
चौथो कार्यकालका लागि मुलुकको तेस्रो राष्ट्रपति बनेका पौडेलले आगामी सोमबार शपथ खाने र पद सम्हाल्ने तयारी छ ।
