काठमाडौं । पाशुपत क्षेत्रलाई सफा राख्न ‘स्वच्छ पशुपति सफा पशुपति’ अभियान सुरु भएको छ । पशुपति क्षेत्र विकास कोषले प्लास्टिकजन्य सामग्री पशुपति क्षेत्रमा ल्याउन निषेध गरेको छ।
कोषले बुधबार एक सूचना जारी गर्दै पशुपतिनाथको दर्शन तथा भ्रमण गर्दा प्लास्टिकजन्य सामग्री नल्याउन आग्रह गरेको हो ।
‘स्वच्छ पशुपति सफा पशुपति’ भन्ने नाराका साथ कोषले पशुपति क्षेत्रको समग्र परिसर सरसफाइका लागि संस्कृति पर्यटन तथा नागरिक उड्डयन मन्त्री सुदन किराँतीको अगुवाइमा पशुपति क्षेत्रको सरसफाइ सुरु गरेको छ ।
कोषले एक सूचना जारी गर्दै ‘स्वच्छ पशुपति सफा पशुपति’ अभियानमा साथ दिनका लागि पशुपति क्षेत्रमा प्लास्टिक निषेध गरिएको जनाएको हो ।
अभियान अनुसार प्रत्येक शनिबार बिहान आठदेखि १० बजेसम्म मन्दिर क्षेत्र सरसफाइ हुने गरेको छ।
पशुपति क्षेत्र विकास कोषले पाशुपत क्षेत्रलाई सफा र सुन्दर राख्न प्लाष्टिकजन्य सामग्रीका कारण बढी फोहोर देखिएकाले भक्तजन तथा दर्शनार्थीलाई नल्याउन अनुरोध गरेको छ । ‘स्वच्छ पशुपति सफा पशुपति’ अभियानलाई सफल बनाउन सबैलाई जुट्न विकास कोषले आग्रह गरेको छ ।
