काठमाडौं । चितवन कांग्रेसका पुराना नेता जगन्नाथ पौडेलले चितवन–२ को उपनिर्वाचनमा राष्ट्रिय स्वतन्त्र पार्टी ९रास्वपा०का सभापति रवि लामिछानेलाई सघाउने घोषणा गरेका छन्।
रेणु दाहाललाई मेयर निर्वाचनमा आच्छुआच्छु पार्दै राष्ट्रिय राजनीति हल्लाउँदै नेपाली कांग्रेसबाट विद्रोह गरेका जगन्नाथ पौडेलले लामिछानेलाई समर्थन गर्ने घोषणा गरेका हुन् ।
‘देशको रूपान्तरणका लागि ऊर्जावान व्यक्तिहरूको आवश्यकता छ। रविजीलाई उपनिर्वाचनमा समर्थन गरेका छौँ। अब हामी चुनावमा खटिन्छौँ। कांग्रेसमा त्यत्राे समय बिताएँ तर मेरो अपमान गर्याे। अब देशको मुहार रास्वपाले फेर्छ’,उनले भने।
सभापति लामिछानेले उम्मेदवारी दर्ता गरिसकेका छन्। स्थानीय तहको निर्वाचनमा भरतपुर महानगरपालिकाको प्रमुखका लागि कांग्रेसबाट बागी उम्मेदवारी दिएपछि जगन्नाथ पौडेलको चर्चा चुलिएको थियो। उनले १७ हजार बढी मत ल्याएका थिए।
