काठमाडौं । गुण्डा नाइके मिलन गुरुङ उर्फ चक्रे मिलनका सहयोगी गणेशबहादुर बोगटी पक्राउ परेका छन् । चक्रे मिलन नेपालगञ्ज गएका बेला उनलाई ‘एके ४७’ हतियारसहित स्कर्टिङ गरिएको भिडियो सार्वजनिक भएपछि एक जना पक्राउ परेका हुन् ।
मिलनका सहयोगी बैजनाथ गाउँपालिका, नौवस्ताका हुन् । बोगटीको साथमा रहेको हतियार समेत बरामद गरिएको छ ।
जिल्ला प्रहरी कार्यालय, बाँकेका अनुसार उनका बिषयमा थप अनुसन्धान भइरहेको छ ।
नेपालगञ्जको सिद्धार्थ होटलमा देखिएका बेला बोगटीले हतियारसहित चक्रे मिलनलाई स्कर्टिङ गरेको भिडियो टिकटकमार्फत सार्वजनिक भएको थियो । चक्रे मिलन नेकपा एमालेमा आवद्ध छन् ।
