काठमाडौं । पछिल्लो २४ घण्टामा नेपालमा थप १७१ जनामा कोरोना भाइरस संक्रमण पुष्टी भएको छ।
स्वास्थ्य तथा जनसंख्या मन्त्रालयका अनुसार ९८० जनाको पीसीआर परीक्षण गर्दा १०५ जना र १३१२ जनाको एन्टिजेन परीक्षण गर्दा ६६ जनामा संक्रमण देखिएको हो ।
योसँगै नेपालमा कोरोना संक्रमितको संख्या १० लाख २ हजार ३४६ जना पुगेको छ ।
पछिल्लो २४ घण्टामा ८५ जना संक्रमण मुक्त भएका छन् । यो सहित संक्रमण मुक्त हुनेको संख्या ९ लाख ८९ हजार ९२४ पुगेको छ ।
पछिल्लो २४ घण्टामा मृत्यु हुनेको संख्या २ रहेको छ । नेपालमा कोरोना मृत्यु हुनेको संख्या १२ हजार २५ पुगेको छ ।
यस्तै कोरोनाको सक्रिय संक्रमितको संख्या ३९७ जना पुगेको छ ।
