काठमाडौं । वाणिज्य बैंकहरुले मुद्दती निक्षेपको ब्याजदर असारमा पनि यथावत राख्ने भएका छन् । । नेपाल बैंकर्स संघको मंगलवार बसेको बैठकले निक्षेपको ब्याजदर नबढाउने सहमति भएको जनाएको हो ।
बैंकर्स संघले वैशाखमा ब्याजदर घटाएर व्यक्तिगत मुद्दती निक्षेपमा ९.९९ प्रतिशत र संस्थागत मुद्दती निक्षेपमा ७.९९९ प्रतिशत ब्याज दर तोकेको थियो ।
बचत खातामा भने ५.४ प्रतिशतदेखि ७.४ प्रतिशतसम्म ब्याजदर तोकेको थियो । संघले जेठमा सोही ब्याजदरलाई निरन्तरता दिएको थियो । अब भने असारमा पनि सोही दर कायम हुनेछ ।
