काठमाडौं । सामूहिक बलात्कार गरेर फरार रहेकामध्ये एक जना अभियुक्त १६ वर्षपछि आज पक्राउ परेका छन् ।
पक्राउ पर्नेमा चितवनको भरतपुर उपमहानगरपालिका–८ गौरीगञ्जका ५८ वर्षीय अमरेश कँडेल छन् । उनलाई सोही स्थानबाट पक्राउ गरिएको प्रहरीले जनाएको छ ।
उनले २०६४ सालमा ललितपुरको ठैबस्थित लिन्टीकल सेन्टरको क्यान्टिनमा काम गर्ने नाबालिकालाई जबरजस्ती र सामूहिक करणी गरेका थिए । ललितपुर जिल्ला अदालतले उनीसहित प्रतिवादी अर्जुन कार्की समेतलाई पाँच वर्षको जेल सजाय तोकेको थियो ।
