काठमाडौं। प्रधानमन्त्री पुष्पकमल दाहाल ‘प्रचण्ड’ सहितको नेपाली टोली बिहिबार चीनको स्वशासित क्षेत्र तिब्बतमा पर्ने मानसरोवर पुगेको छ । मानसरोवर प्रसिद्ध धार्मिक तीर्थस्थल हो। दाहाल तिब्बतमै पर्ने कैलाश पर्वत पनि पुगेका छन्।
उनीसँग तीनमन्त्री, मुख्यसचिव, विभिन्न मन्त्रालयका सचिव लगायत अधिकारी छन्। दाहाल नेतृत्वको जम्बो टोली चिनियाँ अधिकारीसँग द्विपक्षीय भेटवार्ताको तालिका सकिएपछि मंगलबारदेखि घुमघाममा रमाइरहेको छ। असोज ५ देखि चीनमा रहेको दाहाल नेतृत्वको टोली शनिबार काठमाडौं फर्किने तालिका छ।
