काठमाडौं । चीनको हान्झाउमा जारी १९औं एसियाड अन्तर्गत थ्री बाई थ्री महिला बास्केटबलमा नेपाल सबै खेलमा पराजित हुँदै समूह चरणबाटै बाहिरिएको छ ।
दोस्रो पटक एसियाडमा थ्री बाई थ्री बास्केटबल खेलेको महिला टोलीले यस पटक खेल जित्ने लक्ष्य बनाए पनि कुनै पनि खेल जित्न सकेन ।
पहिलो खेलमा जापानसँग २२-४ ले पारजित भएको नेपाल दोस्रो खेलमा कजाखस्तानसँग १७-१० ले पराजित भएको थियो । शुक्रबार भएको समूह बी को अन्तिम खेलमा नेपाल चाइनिज ताइपेईसँग २२-२ ले सहजै पराजित भयो ।
