एजेन्सी । मिस युनिभर्स २०२३ को उपाधि निकारागुआकी सेनिस पलासियोसले जितेकी छन्।
एल-साल्भाडोरमा आयोजित भएको कार्यक्रममा ८४ जना प्रतिस्पर्धीलाई पछि पार्दै उनले ुमिस युनिभर्सु को उपाधि जितेकी हुन्। दक्षिण अमेरिकी मुलुकका लागि मिस युनिभर्स टाइटल पहिलोपटक हो । थाइल्याण्डकी एन्टोनिया पोर्सिल्ड फस्ट रनर–अप हुँदा अष्ट्रेलियाकी मोरया विल्सन सेकेण्ड रनरअप घोषित भइन् ।
नेपालबाट प्रतिनिधित्व गरेकी जेन दीपिका ग्यारेटउत्कृष्ट २० मा पुगेर बाहिरिएकी छन्। उनले ‘प्लस साइज मोडल’ को रूपमा अन्तर्राष्ट्रिय मिडियामा समेत चर्चा बटुलेकी थिइन्।
