काठमाडौं । काठमाडौंको बल्खुमा नेपाल प्रहरीले जामर भेहिकल सञ्चालन गरेको छ । मेडिकल व्यवसायी दुर्गा प्रसाई नेतृत्वले आयोजना गरेको प्रदर्शनमा प्रहरीले जामर चलाएको हो । जामरले मोबाइल नेटवर्क सम्पर्क विच्छेद गराउने काम गर्छ ।
प्रसाई नेतृत्वको राष्ट्र,राष्ट्रियता,धर्म,संस्कृति र नागरिक बचाउँ महाअभियानको प्रदर्शन स्थानमा प्रहरीले एक थान जामर भेहिकल सञ्चालन गरेको हो । त्यसैगरी प्रहरीले युवासंघको प्रदर्शन स्थानमा पनि १ थान जामर भेहिकल चलाइरहेको छ ।
