काठमाडौं । कुकुरलाई लाठीले हानेर क्रूरतापूर्वक मारेको आरोपमा प्रहरीले इलामको देउमाई नगरपालिका(९, जितपुरबाट २१ वर्षीय दीक्षान्त मोरोहाङ लिम्बू, १७ वर्षीया संगम लिम्बू र १७ वर्षीय अशोक लिम्बूलाई पक्राउ गरेको छ ।
उनीहरूले पटक–पटक लाठीले हानेर कुकुर मारी खाडलमा पुरेको भिडियो फेसबुकमा हालेका थिए। ‘सुगम मोराहाङ लिम्बू’ र ‘भूत प्रेत’ एकाउन्टबाट सार्वजनिक भएको थियो।
यो घटना सामाजिक सञ्जालमा देखेपछि पशपंक्षी कल्याण संघले जिल्ला प्रहरी कार्यालयमा जाहेरसमेत दर्ता गरेको छ। पक्राउ परेकाहरूविरुद्ध ‘पशुपंक्षीसम्बन्धी कसुर’ अन्तर्गत जाहेरी परेको प्रहरीको भनाइ छ।
