काठमाडौं । नेपाल प्रिमियर लिग एनपीएल को ट्रफी सार्वजनिक भएको छ । प्रधानमन्त्री केपी शर्मा ओली र सहभागी ८ टिमका मार्की खेलाडीहरुले आज बिहान धरहरा परिसरबाट एनपीएलको ट्रफी अनावरण गरेका हुन् ।
अनावरण कार्यक्रमलाई सम्बोधन गर्दै प्रधानमन्त्री ओलीले नेपाली क्रिकेटका लागि आजको दिन विशेष रहेको बताए । साथै उनले एनपीएलमा सहभागी सबै टिमलाई आफ्नो समर्थन रहेको बताए । प्रधानमन्त्री ओलीले भने, ‘अहिले सबैलाई शुभकामना दिन्छु, जितेपछि जित्नेलाई बधाई दिन्छु ।’
उनले एनपीएलले पर्यटन प्रवर्द्धन गर्ने विश्वास समेत व्यक्त गरे । सरकारले खेलकुद क्षेत्रलाई जति प्रोत्साहन गर्नुपर्ने हो त्यति गर्न नसकेको समेत स्वीकारे । ट्रफीमा कालापत्थरबाट ल्याइएको ढुंगा समावेश छ ।
