काठमाडौं । भक्तपुरमा मोटरसाइकलकाे ठक्करबाट एक जना पैदलयात्रीको मृत्यु भएको छ । रामेछापको दोरम्बा गाउँपालिका-४ घर भई सूर्यविनायक नगरपालिका-१० नलिन्चोक बस्ने ७० वर्षीय निमबहादुर मगरको मृत्यु भएको हाे ।
जगातीबाट साँगा जाँदै गरेको बा४६प ११२७ नम्बरको मोटरसाइकलले नलिन्चोक जोरपाटीमा निमबहादुरलाई ठक्कर दिएकाे प्रहरी परिसर भक्तपुरले जनाएको छ ।
उनकाे मध्यपुर अस्पताल पुर्याइएकोमा उपचारकाे क्रममा मृत्यु भएको प्रहरीले जनाएको छ ।
मोटरसाइकल चालक काभ्रेको बनेपा-६ का ४४ वर्षीय जितेन्द्र श्रेष्ठलाई प्रहरीले नियन्त्रणमा लिएको छ ।
