काठमाडौं । भारतमा जारी खो-खो विश्वकपमा नेपालको महिला टोलीले लगातार दोस्रो जित हासिल गरेको छ । मंगलबार भएको समूह सी अन्तर्गतकाे खेलमा नेपालले जर्मनीलाई ७३-३४ ले पराजित गरेको हो ।
यसअघि भएको पहिलो खेलमा नेपालले भुटानलाई ९३-२४ ले पराजित गरेको थियो ।
समूह सी मा नेपाल, भुटान, जर्मनीसँगै बंगलादेश र श्रीलंका छन् । नेपालले बुधबार श्रीलंकासँग तथा बिहीबार बंगलादेशसँग खेल्ने छ ।
समुहका विजेतामध्य शीर्ष दुई टोली क्वाटरफाइनलमा प्रवेश गर्ने छन् ।
