काठमाडौं । नेपाली बजारमा आज पनि सुनको मूल्य घटेको छ। बुधबार प्रतितोला ८ सय रूपैयाँ घटेको सुनको भाउ यस दिन प्रतितोला २ सय रूपैयाँ घटेको हो।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ७० हजार ३ सय रूपैयाँमा कारोबार भइरहेको छ।
बुधबार छापावाल सुन प्रतितोला १ लाख ७० हजार ५ सय रूपैयाँमा कारोबार भएको थियो।
बिहीबार चाँदीको मूल्य भने बढेको छ। बुधबार प्रतितोला १ हजार ९ सय ४० रूपैयाँमा कारोबार भएको चाँदी बिहीबार प्रतितोला १ हजार नौ सय ४५ रूपैयाँ किनबेच भइरहेको छ।
