काठमाडौं, २६ मंसिर । आईसीसी विश्कप लिग–२ त्रिकोणात्मक एकदिवसीय सिरिज अन्तर्गत नेपालले ओमानसँग प्रतिस्पर्धा गर्दैछ ।
त्रिवि क्रिकेट मैदान कीर्तिपुरमा ओमानविरुद्ध टस हारेपछि नेपालले ब्याटिङ गरिरहेको छ । आजको खेलमा नेपाललाई ओमानसँग बद्ला लिने अवसर छ ।
घरेलु मैदानमा भएको पहिलो खेलमा १८ रनले पराजित भएको आजको खेलमा जित निकाल्ने योजना छ ।
आजको खेलमा नेपालका कमलसिंह ऐरीले डेब्यु गर्ने भएका छन् । तीव्र गतिका बलर कमल सिंहलाई नेपाली टोलीका कप्तान ज्ञानेन्द्र मल्लले ओडीआई क्याप दिएका हुन् । उनले अविनाश बोहोरालाई रिप्लेस गरेका हुन् ।
