काठमाडौं, १९ साउन । नेपाल कम्युनिस्ट पार्टी (नेकपा) का अध्यक्षद्वय केपी शर्मा ओली र पुष्पकमल दाहाल बीचको वार्ता निष्कर्षविहीन सकिएको छ ।
आइतबारबाट सुरु भएको दुई नेताबीचको सोमबारको पनि निष्कर्षमा पुग्न सकेन् ।
जनै पूर्णिमाको शुभकामना आदानप्रदान गरेर सुरु भएको आजको बैठक विषयवस्तुमा प्रवेश गरे पनि कुनै सहमतिमा पुग्न भने सकेन ।
प्रधानमन्त्री निवास बालुवाटारमा बिहान करिब ९ बजेबाट सुरु भएको वार्तामा ओली, दाहालका साथै वरिष्ठ नेता झलनाथ खनाल र सुवास नेम्वाङ सहभागी थिए ।
दाहालको तर्फबाट वरिष्ठ नेता खनाल र नेम्वाङ ओलीका तर्फबाट वार्तामा सहभागी भएका हुन् ।
वार्तामा अध्यक्ष प्रचण्डले स्थगित भएको स्थायी समिति बैठकको तत्काल मिति तोक्न र समस्या समाधान गर्न अग्रसरता लिन ओलीलाई आग्रह गरेका थिए ।
तर, ओलीले पहिला सचिवालयमा सहमति गरेर मात्रै स्थायी समिति बैठक बोलाउनुपर्ने अडान दोहोर्याएका थिए ।
बैठक बोलाउने र नबोलाउने दुवै पक्षले अडान नछाडेपछि पुनः भोलि छलफल गर्नेगरी नेताहरु उठेका थिए ।
