काठमाडौं । शुक्रबार छापावाल सुनको मूल्य प्रतितोला ६०० रुपैयाँ घटेको छ ।
बिहिबार प्रतितोला ९१ हजार ५०० रुपैयाँमा कारोबार भएको छापावाल सुनको मूल्य आज ६०० रुपैयाँ घट्दै प्रतितोला ९० हजार ९०० रुपैयाँ कायम भएको नेपाल सूनचाँदी व्यवसायी महासंघले बताएको छ ।
शुक्रबार तेजावी सुनको मूल्य पनि प्रतितोला ६०० रुपैयाँ नै घट्यो । आज तेजावी सुनको कारोबार मूल्य ९० हजार ४०० रुपैयाँ कायम भएको छ ।
आज चाँदीको मूल्य भने प्रतितोला ५ रुपैयाँ बढ्यो । शुक्रबार चाँदीको कारोबार मूल्य प्रतितोला १३ सय २० रुपैयाँ कायम भएको छ ।
