काठमाडौं । विश्वकै दोस्रो ठूलो अर्थतन्त्र चीनको निर्यात व्यापार ६०.६ प्रतिशतले बढेको छ ।
त्यहाँको भन्सार विभागले सार्वजनिक गरेको पछिल्लो विवरण अनुसार जनवरी–फेब्रुअरीभित्र निर्यात ६०.६ प्रतिशत बढेको हो ।
यस समयमा चीनको आयातमा पनि वृद्धि भएको छ । तथ्यांक अनुसार त्यहाँको आयात २२.२ प्रतिशत बढेको छ ।
सन् २०२० मा चीनको व्यापार निकै निराशाजनक रहेको थियो । सन् २०२१ को सुरुवाती महिनामा पनि निर्यात करिब ३९ प्रतिशतमात्रै बढेको आंकलन गरिएको थियो ।
तर, आकलनभन्दा झन्डै दोब्बरले चीनको व्यापारमा उभार देखिएको हो । चीनले गत दुई महिनामै १०३.२५ बिलियन डलर बराबरको व्यापार गरेको छ ।
