काठमाडौं, २६ चैत । नेपालमा कोरोना संक्रमितको संख्या बढेको छ । स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा ४ हजार ६ जनाको पीसीआर परीक्षणमा ३३२ जनामा संक्रमण पुष्टि भएको हो।
यससँगै हालसम्म संक्रमण पुष्टि हुनेको संख्या २ लाख ७९हजार १ सय पुगेको छ। स्वास्थ्य मन्त्रालयका अनुसार ७९ जना कोरोनालाई जितेर अस्पतालबाट डिस्चार्ज भएका छन् ।
यो सँगै नेपालमा निको हुनेको संख्या २ लाख ७३ हजार ६०८ जना पुगेको मन्त्रालयले जनाएको छ ।
संक्रिय संक्रमितको संख्या २ हजार ४ सय ५४ रहेको छ । पछिल्लो २४ घण्टामा मृत्यु हुनेको संख्या शून्य रहेको छ । नेपालमा कोरोनाबाट मृत्यु हुनेको संख्या ३०३८ पुगेको छ ।
