गोरखा । गोरखाको शहीद लखन गाउँपालिका वडा नं ९ नाम्जुङको छेलाङे चोक नजिक विहानी कक्षा पढेर घर फर्केका स्कुल बालकको ट्याक्टरबाट खसेर मृत्यु भएको छ ।
श्री सरस्वती आधारभूत विद्यालय नामजुङ कक्षा ७ मा अध्ययनरत १३ वर्षिय विवस ढकालको घैरुङ तिरबाट नाम्जुङतर्फ आईरहेको ग १ त ४५८२ नम्बरको ट्याक्टरमा विद्यालयबाट घर फर्कदा करिव एक सय मिटरको दुरीमा घटना घटेको विद्यालयका प्रधानाध्यापक ऋषि लामिछानेले जानकारी दिए ।
टयाक्टर चालकलाई नियन्त्रणमा लिएर घटनाको छानविन भईरहेको प्रहरी कार्यालय बुंकोटले बताएको छ ।
