काठमाडौं, ४ चैत । गत बैशाखयता हावाहुरी र चट्याङका घटनामा परी ७८ जनाले ज्यान गुमाएका छन् ।
राष्ट्रिय विपद् जोखिम न्यूनीकरण तथा व्यवस्थापन प्राधिकरणको तथ्यांक अनुसार २०७७ वैशाख १ गतेदेखि चैत मसान्तसम्मको अवधिमा देशको विभिन्न ठाँउमा हावाहुरी र चट्याङमा परी ७८ जनाको ज्यान गएको हो ।
जसमा हावाहुरीबाट ८ जना र चट्याङका घटनामा परी ७० जनाको ज्यान गएको छ ।
उक्त अवधिमा २४ वटा चट्याङमा परी ७० जनाको मृत्यु भएको छ । २४७ जना घाइते भएका छन् । ७१७ चौपायाको मृत्यु भएको थियो।
त्यस्तै, सोही अवधिमा हावाहुरीबाट ८ जनाको मृत्यु र १७ जना घाइते भएको प्राधिकरणले जनाएको छ।
