काठमाडौं, ५ बैशाख । साताको पहिलो दिन नेपाल स्टक एक्सचेञ्ज (नेप्से) दोहोरो अंकले घटेको छ । आइतबार नेप्से ३५.८९ अंकले घटेर २६९९.५१ विन्दुमा झरेको हो ।
नेपाल स्टक एक्सचेन्जका अनुसार त्यसदिन २०७ कम्पनीको ८ अर्ब ८० करोड १८ लाख ३ हजार २१५ रुपैयाँ बराबरको १ करोड ९५ लाख २८ हजार ६५६ कित्ता शेयर किनबेच भएका छन् ।
कारोबारमा आएका १३ वटा समूहमध्ये १ वटा समूहको परिसूचकमा हरियाली छाएको छ भने १२ वटा समूहको परिसूचक राताम्मे भएका छन् ।
कारोबारमा आएका २०७ कम्पनीमध्ये ३१ कम्पनीको शेयर मूल्य बढेको छ भने १४७ कम्पनीको मूल्यमा गिरावट आएको छ । ५ कम्पनीको मूल्य स्थिर रहेको छ ।
बैंकिङ ३३, ब्यापार १२५, होटल तथा पर्यटन ९२, विकास बैंक ४८, जलविद्युत ३२, फाइनान्स १६, निर्जीवन बीमा १८३, उत्पादन ६७, अन्य २१, माइक्रोफाइनान्स ५०, जीवन बीमा १११ अंकले घटेका छन्। म्युचुअल फण्ड ०.०६ अंकले मात्रै बढेको छ।
कारोबार भएका ४ कम्पनीका लगानीकर्ता मालामाल भएका छन् । त्यस्तै, आज चार कम्पनीको शेयरमूल्य सर्वाधिक बढेको छ ।
आज सर्वाधिक शेयर बढ्नेमा महिला लघुवित्त वित्तिय संस्था, ज्याति लाइफ इन्स्योरेन्स कम्पनी, नेपाल हाइड्रो डेभलपर्स लिमिटेड र दिव्याश्वरी हाइड्रोपावर कम्पनी रहेका छन् ।
