काठमाडौं, १२ बैशाख । पछिल्लो २४ घण्टामा ३१२२ जनामा कोरोना भाइरस संक्रमण पुष्टी भएको छ ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको ९ हजार २९२ जनाको पीसीआर परीक्षणबाट ३०३१ जना र ७८६ एन्टिजेन परीक्षणबाट ९० जनाको रिपोर्ट पोजेटिभ हो ।
यो सहित नेपालमा कोरोना संक्रमितको संख्या ३ लाख ११९ जना पुगेको छ ।
पछिल्लो २४ घण्टामा ४५० जना कोरोना संक्रमणमुक्त भएका छन् । यो सहित संक्रमण मुक्त हुनेको संख्या २ लाख ७७ हजार ५७३ जना पुगेको छ ।
संक्रिय संक्रमितको संख्या १९ हजार ३ सय ८२ पुगेको छ । २८ जना संक्रमितको मृत्यु भएको छ । कुल मृतकको संख्या ३ हजार १६४ पुगेको छ ।
पछिल्लो २४ घण्टामा काठमाडौं जिल्लामा ११३२, ललितपुरमा २७० र भक्तपुरमा ९६ गरी १४९८ जनामा संक्रमण पुष्टि भएको छ ।
