काठमाडौं, १५ बैशाख । पछिल्लो २४ घण्टामा ४८९७ जनामा कोरोना भाइरस संक्रमण पुष्टी भएको छ ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको १३८७९ पीसीआर परीक्षणमा ४७७४ र ९५५ एन्टिजेन परीक्षणमा १७४ गरी ४८९७ जनामा संक्रमण पुष्टि भएको हो ।
थपिएका मध्ये काठमाडौं उपत्यकामा भक्तपुरमा २३२, ललितपुरमा ३५१ र काठमाडौंमा १४६४ जना गरी २ हजार ४७ संक्रमित थपिएका छन्।
देशभर सक्रिय संक्रमित संख्या ३० हजार २ सय ९ रहेको छ। यो सहित नेपालमा कोरोना संक्रमितको संख्या ३ लाख १२ हजार ६९९ जना पुगेको छ ।
पछिल्लो २४ घण्टामा ७७३ जना कोरोना संक्रमणमुक्त भएका छन् ।
यो सहित संक्रमण मुक्त हुनेको संख्या २ लाख ७९ हजार २७९ जना पुगेको छ । १७ जना संक्रमितको मृत्यु भएको छ । कुल मृतकको संख्या ३ हजार ११ पुगेको छ ।
