काठमाडौं, १८ बैशाख । पछिल्लो २४ घण्टामा ५७६३ जनामा कोरोना भाइरस संक्रमण पुष्टी भएको छ ।
स्वास्थ्य तथा जनसंख्या मन्त्रालयको अनुसार पछिल्लो २४ घण्टामा विभिन्न प्रयोगशालामा गरिएको १४ हजार ९६९ नमुना परीक्षणमा ५७६३ जनामा संक्रमण पुष्टि भएको हो ।
१४ हजार ४०३ जनाको पीसीआर विधिबाट गरिएको नमूना परीक्षणमा ५७०६ र ५६६ जनाको एन्टिजेन परीक्षण गर्दा ५७ जनामा कोरोना संक्रमण पुष्टी भएको हो ।
यो सहित नेपालमा कोरोना संक्रमितको संख्या ३ लाख २८ हजार ८९१ जना पुगेको छ । पछिल्लो २४ घण्टामा १२८७ जना कोरोना संक्रमणमुक्त भएका छन् ।
यो सहित संक्रमण मुक्त हुनेको संख्या २ लाख ८२ हजार ३८२ जना पुगेको छ । १९ जना संक्रमितको मृत्यु भएको छ । कुल मृतकको संख्या ३ हजार २९८पुगेको छ ।
