काठमाडौं, २१ बैशाख । सीइडीबी हाइड्रोपावर डेभलपमेन्ट कम्पनीको आइपीओ भर्ने मिति सकिएको छ । कम्पनीले बैशाख १७ गतेबाट खुलेको आइपीओ मंगलबार ५ बजेसम्मको लागि खुल्ला गरेको थियो ।
उक्त समयसम्ममा कम्पनीको आइपीओमा २ करोड ६३ लाख ४५ हजार ५०० कित्ताका लागि आवेदन परेको छ ।
सीडीएस एन्ड क्लियरिङ लिमिटेडका अनुसार अन्तिमदिन मंगलबारसम्म १७ लाख ३६ हजार ७०० जना आवेदकले उक्त आवेदन दिएका हुन् ।
यसआधारमा, सर्वसाधारणले माग भन्दा ११.२५ गुणा बढी आवेदन दिएका छन् ।
यकिन तथ्यांक नआइसकेकोले उक्त संख्या बढ्नेछ । कम्पनीले वैशाख १७ गतेबाट सर्वसाधारणका लागि २३ लाख ४१ हजार ९५४ कित्ता शेयर खुला गरेको थियो ।
