काठमाडौं, २ जेठ । आइतबार छापावाल सुनको मूल्य बढेको छ ।
नेपाल सुनचाँदी व्यवसायी महासंघका अनुसार आज छापावाला सुनको मूल्य तोलामा ९ सय रुपैयाँले बढेर प्रतितोला ९२ हजार ५ सयमा कारोबार भइरहेको छ ।
यसअघि शुक्रबार छापावाला सुन तोलाको ९१ हजार ६ सय रुपैयाँमा कारोबार भएको थियो ।
त्यस्तै, आज तेजावी सुनको कारोबार मूल्य प्रतितोला ९२ हजार रहेको छ ।
त्यसैगरी, आइतबार चाँदीको मूल्यपनि प्रतितोला २० रुपैयाँ बढेर प्रतितोला १३ सय ५० मा कारोबार भइरहेको महासंघले जनाएको छ ।
