काठमाडौं, १३ जेठ । सुनको भाउ फेरि उकालो लागेको छ ।
नेपाल सुनचाँदी व्यवसायी महासंघका अनुसार बुधबारको तुलनामा विहिबार तोलामा सात सय रुपैयाँले बढेको हो ।
बुधबार एक सय रुपैयाँले घटेको सुनको भाउ बिहीबार सात सय रुपैयाँले महँगिएको महासंघले जनाएको छ ।
सुन तोलामा ९४ हजार दुई सय रुपैयाँमा कारोबार भइरहेको छ । बुधबार सुन तोलामा ९३ हजार पाँच सय रुपैयाँ कायम भएको थियो ।
सुन महँगिए पनि चाँदीको भाउ स्थिर छ । चाँदी तोलामा एक हजार तीन सय ५० रुपैयाँ कायम भएको छ ।
