काठमाडौं, १५ जेठ । सरकारले कोभिडको उपचारमा सेण्ट्रल कमाण्डको व्यवस्था गर्ने भएको छ । आगामी आर्थिक वर्ष २०७८।७९ को बजेटमा यस्तो व्यवस्था गरिएको हो ।
मुलुकभरका सबै अस्पतालमा कोभिडको उपभारको व्यवस्था गर्ने कार्यमा सहजीकरण गर्नका लागि यस्तो व्यवस्था गरिने अर्थमन्त्री विष्णुप्रसाद पौडेलले बताएका छन् ।
कोभिडको उपचार र नियन्त्रणका लागि रु. ३७ अर्ब ५३ करोड बजेट व्यवस्था गरिएको छ ।
स्वास्थ्यकर्मी, कर्मचारी, सफाइ कर्मचारी र सुरक्षाकर्मीका लागि व्यवस्था गरिएको प्रोत्साहन भत्ता महामारीको जोखिम कायम रहँदासम्म प्रदान गरिने पनि पौडेलले बताए ।
