काठमाडौं, १५ जेठ । सरकारले कृषिमा विचौलियाको अनुचित गतिविध नियन्त्रण गरिने बताएको छ । आगामी आर्थिक वर्ष २०७८।७९ को बजेट प्रस्तुत गर्दै अर्थमन्त्री विष्णुप्रसाद पौडेलले यस्तो बताएका हुन् ।
उनले दुध र चामलमा नेपाललाई आत्मनिर्भर बनाइने पनि बताए ।
दुग्धजन्य उत्पादनको खपत बढाउन धुलो दुध कारखानलाई अनुदान पनि व्यवस्था गरिएको छ ।
त्यस्तै हरेक जिल्लाका कृषि ज्ञान केन्द्रमा कृषि विज्ञानमा स्नातक गरेकाहरुलाई एक वर्षका लागि करारमा खटाइने पनि बजेटमा उल्लेख छ ।
आधुनिक पशु बधशाला पनि प्राथमिकतामा छ ।
