काठमाडौं, १९ असार । पछिल्लो २४ घण्टामा देशभर २३२८ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ५८३७ पीसीआर परीक्षणमा १५२७ र ४२९६ जनाको एन्टिजेन परीक्षणमा ८०१ जना गरी २३२८ जनामा संक्रमण पुष्टी भएको हो ।
यो सहित नेपालमा कोरोना संक्रमितको संख्या ६ लाख ४३ हजार ५८० पुगेको छ । पछिल्लो २४ घण्टामा ३०६६ जना संक्रमण मुक्त भएका छन् ।
यो सहित संक्रमण मुक्त हुनेको संख्या ६ लाख ६ हजार ६ सय ६६ जना पुगेको छ । संक्रिय संक्रमितको संख्या २७ हजार ७१६ रहेको छ ।
