काठमाडौं, २६ साउन । लगातार दुईदिन घटेको सुनको मूल्य मंगलबार भने बढेको छ । आज छापावाल सुनको मूल्य प्रतितोला २०० रुपैयाँ बढेको हो ।
सोमबार प्रतितोला ८९ हजारमा कारोबार भएको छापावाल सुनको मूल्य आज २०० रुपैयाँ बढेर प्रतितोला ८९ हजार २०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुनको मुल्य पनि बढेर प्रतितोला ८८ हजार ७५० रुपैयाँ कायम भएको छ ।
मंगलबार चाँदीको मूल्य भने घट्यो । आज चाँदीको मूल्य १० रुपैयाँ घटेर प्रतितोला १२०५ रुपैयाँ कायम भएको छ ।
